hordamailarkiv2004.html

Hordam@il-arkiv 2004

Hordam@il nr. 24/2004

NYTTÅRSFEST PÅ HORDAHYTTA

Nyttårsfesten er festen som lagar seg sjølv, med pinnekjøt og utsikt over mykje fyrverkeri. Detaljar finn du på:
http://www.hordalaget.no/hytta/detaljar.htm#nyttårsfest

Hordalaget ønskjer medlemmer og andre ei god jul og eit godt nytt år.

Hordam@il nr. 23/2004

SISTE MÅNDAGSTRIM

Måndag 13. des. er det siste måndagstrimmen. Trimmen varer 1645 - 1800. Eit par kvarter over seks går turen til Casa Mia i Bjerregårdsgate 1.

Hordam@il nr. 22/2004

JULEAVSLUTNING I HORDARINGEN TORSDAG 9. DESEMBER KL. 19.00

Alle er med dette invitert til juleavslutning i Hordaringen førstkomande torsdag. Ta gjerne med nokon du kjenner. Det blir servert gløgg og peparkaker ved inngangen, og seinare på kvelden byr vi tradisjonen tru på julegraut (m/mandel) og kaffi/te og kaker. Undervegs blir det mykje dans til god musikk, og det blir som vanleg julesong-syngjing og loddsal med fine premiar.

Dette er ein kveld då det ofte stikk innom folk som ikkje så ofte er i Hordaringen, så ta gjerne turen du og. Alix brukar å leia dansen på ein slik måte at urøynde dansarar lett kan kan vera med.

Hordam@il nr. 21/2004

JULEKONSERT

Fredag 10. des. kl. 2000 er det julekonsert i Fagerborg kyrkje med Iver Kleive, Thoralv Maurstad og Oslo Bach-kor. På programmet står Iver Kleives juleoratorium.

Påmelding til Toril Willoch på telefon 2214 8718 / 9974 3916 eller epost .... seinast måndag 6. des. Spesialpris hjå Toril er kr. 180.-.

Før konserten er dei som vil velkomne til TheÝBroker,ÝBogstadv.Ý27,ÝTlf. 22Ý93Ý04Ý80. Berit Rørvig er der frå kl. 18.00. Tlf Berit: 2225 6784 / 2224 6126.

Hordam@il nr. 20/2004

FOLKEMUSIKKKONSERT OG DANS

Laurdag 4. des kl. 1800 er det konsert og deretter dans på Musikkhøgskolen. Det deltek både elevar og læarar i ypparste klasse, t.d. Jan Beitohaugen Granli, Steinar Ofsdal, Håkon Høgemo og Camilla Granlien. I tillegg kjem det besøk av studentar frå Ole Bull akademiet og akademiet i Rauland. NRK P2 gjer opptak av konserten, så her har du sjansen til å høyra deg sjølv klappa i radioen. Billettar kr. 100/50.

PLATESLEPP

I kveld, onsdag 24. nov. kl. 2000 (konserten startar kl. 2100) er det plateslepp med brørne Einar Olav og Gjermund Larsen på Fabrikken, Nedregt. 7. Billettar kr. 100.

Einar Olav og Gjermund er mellom dei fremste unge folkemusikarane i dag. Mange av oss har dansa til spelet deira på NU-stemne då dei var nokre få år yngre og litt mindre kjende.

På konserten vert der overraskingar, tradisjonell fingermat frå Verdalen, og alle får ein lottokupong som er fylt ut av ein verdaling.

Hordam@il nr. 19/2004

KONSERT OG GRATIS CD

I morgon onsdag 10. nov. kl. 2100 (dørene opnar kl. 2000) på Fabrikken har Majorstuen plateslepp. Inngang kr. 100.-. Fabrikken ligg på Grünerløkka, rett over elva frå Blå.

Den nye CDen heiter "Jorun Jogga". Majorstuen lovar at alle som stiller i joggedress og joggesko på konserten, får ein gratis CD så langt lageret rekk.

LEIKFEST I BUL

Laurdag 20. nov. kl. 1900 er det leikfest i BUL. Påmeldingsfrist er 14. nov.
http://www.bul.no/Leikarringen/

Hordam@il nr. 18/2004

SMALAHOVEFEST

No er det på høg tid å melda seg på til hausten sitt store høgdepunkt: smalahovefesten. Fristen er onsdag 3. nov. Detaljar finn du på:
http://www.hordalaget.no/hytta/detaljar.htm#smalahovefest

Hordam@il nr. 17/2004

KONSERT MED OSLO POSTORKESTER

Laurdag 16. okt. kl. 1900 held Oslo Postorkester konsert i Sagene Festivitetshus i Holstsgate 3 på Torshov. Dei spelar kjende og kjære musikkstykke. Kjenningsmelodien Postman Pat er obligatorisk. Servering. Inngang kr. 50.-.

OSLOKAPPLEIKEN

Laurdag 23. okt. er det Oslokappleik i Nordahl Brunsgt 22. Kappleiksfesten er i Sagene Festivitetshus i Holstsgate 3 på Torshov kl. 2000.

HAUSTDANS (SWING)

Laurdag 30. okt. kl. 2000 er det haustdans i Arbeideren på Hokksund. Fryd og Gammen spelar. Inngang kr. 150.-. Hit skal det garantert masse swingfolk.

http://www.eikerdans.com

SMALAHOVEFESTEN

går av stabelen 13. nov. men det er på tide å setja av kvelden alt no, om du ikkje har gjort det.

http://www.hordalaget.no/hytta/detaljar.htm#smalahovefest

Hordam@il nr. 16/2004

KULTURONSDAG: MOZARTS REKVIEM

Onsdag 20. oktober kl. 1930 held Oslo Bach-kor konsert i Oslo Domkirke. Billettar til spesialpris kr. 180.- (normalpris er kr. 220.-) får du hjå Toril Willoch på øving i Hordaringen torsdag 14. okt, eller ved å ringja henne på telefon 2214 8718, mobil 997 43 916 eller epost .... Gje beskjed til Toril innan måndag 11. okt. om du ønskjer billett til spesialpris.

Dei som vil ha ein matbit på førehand møtest på Stortorget gjestgiveri. Berit Rørvig er der frå kl. 1700. Avmarsj til Domkyrkja seinast kl. 1850, for det er venta rift om plassane.

Er du heldig, finn du meir informasjon på veven:
http://www.oslobachkor.no/

VESTLANDSSPRINGARKURSET

til Hordaringen kommande helg er omtrent fullt, men det kan pressast inn nokre få personar til. Det er og høve til å komma på festen på laurdagen.
http://www.hordaringen.no/

HAUSTFEST I RUNDSNUEN

Laurdag 9. okt. kl. 1800 er det haustfest i Rundsnuen med musikk av Nordafjells og 28 kakesortar. Påmeldingsliste går rundt i Hordaringen eller du kan melda deg på direkte til Rundsnuen. Festane deira er ofte fulle, så det kan vera lurt å melda seg på i tide.

Er du heldig krasjar ikkje nettlesaren når du går inn på:
http://www.folkedans.com/rundsnuen/

Hordam@il nr. 15/2004

KRABBEFEST PÅ HORDAHYTTA

Vi minner om krabbefesten på Hordahytta kommande laurdag, 18. sept.

http://www.hordalaget.no/hytta/detaljar.htm#Krabbefest

Petter har ikkje sagt noko om påmeldingsfrist, men den brukar å vera torsdagen før krabbefesten.

Hordam@il nr. 14/2004

PÅMELIDING TIL HAUSTTUREN

Påmeldingfristen er sett til torsdag 2/9 for vekesturen og torsdag 9/9 for helgeturen. Det vert lagt ut påmeldingsskjema i Hordaringen desse torsdagane. Påmeling kan òg gjerast:

- til ... tlf. 915 94 247 for helgeturen

- til ... tlf. 22148718 for vekesturen.

For vekesturen gjeld det at det må vera minst fire deltakarar for at turen skal gjennomførast.

Sjå ellers info: http://www.hordaringen.no/Hausttur2004.doc

Velkommen til hausttur!

MÅNDAGSTRIMMEN

Måndagstrimmen har starta opp att på Oslo Katedralskole, måndagar 1645 - 1800. Vi har plass til deg òg, så ta deg ein tur.

HORDARINGEN

Hordaringen har starta opp att for sesongen. Dansen går i Storsalen Nordahl Brunsgt 22 tordagar 1930 - 2200. I løpet av hausten få vi m.a. læra Finnskogpols.

Hordaringen sitt nybyrjarkurs i gammaldans startar torsdag 9. sept. kl. 1900.

Helgekurset i Vestlandsspringar finn stad helga 1. - 3. okt. Det er alt mange påmelde og påmeldingsfristen går snart ut.

Meir opplysningar om kursa og andre aktivitetar i Hordaringen finn du på:

http://www.hordaringen.no

HORDAHYTTA / SINOBERDAGEN

Til helga er det ein god anledning til å dra på Hordahytta og kombinera det med ein tur bort til Sinober på søndag. Der er det Sinoberdag med dansemusikk, husflid, dyr og aktivitetar for born.

Hordam@il nr. 13/2004

HAUSTTUR

Hordalaget sin hausttur går i år til Hardangervidda. Du kan velgja mellom ei heil veke (måndag 6. - søndag 12. september) eller ei helg (fredag 10. - søndag 12. september). Sjå vedlegg.

Hordam@il nr. 12/2004

BLÅTUR OG GRILLFEST

Hordaringen har blåtur til Håløygheimen torsdag 17. juni og grillfest på Brandbu helga 19. - 20. juni.

http://www.hordaringen.no/

BYFEST I LILLESTRØM

17. - 19. juni er det byfest på Lillestrøm med mange kjende namn på programmet. Fredag kveld kl. 2100 - 2400 kan du t.d. dansa til Ole Ivars.

Kanskje finn du meir på: http://www.byfest.no/

Og alt er gratis.

Hordam@il nr. 11/2004

KANOTUR

Kanoturen i år går til Krøderen helga 18. - 20. juni. Detaljar i vedlagde dokument.

Merk påmeldingsfrist torsdag 10. juni. Påmelding til Arnfinn Skagestad eller Jarle Skaathun.

SOMMARAVSLUTNING I H0RDARINGEN

Torsdag 10. juni kl. 1900 er det sommaravslutning i Hordaringen i NB 22. Ta gjerne med nokon du kjenner.

Torsdag 17. juni er det blåtur.

http://www.hordaringen.no

BYGDØYSTEMNET

Søndag 13. juni er det tradisjonelt Bygdøystemne. Hordaringen dansar kl. 1600 i Setesdalstunet.
http://www.bls.no/bygdelagsstemne_2004.htm

BILETE

Dei som kjenner Gerd Borgen, kan finna bilete frå brudlaupet hennar på:
http://www.home.no/dolphina/bryllup.htm

Hordam@il nr. 10/2004

DUGNAD OG OPNING AV DANSEPLATTING

Laurdag 5. juni er der først dugnad og sidan grilling og opning av danseplattingen. Detaljar:
http://www.hordalaget.no/hytta/detaljar.htm#dugnaden

På veg til Hordahytta gjennom Oslo kan du få med deg litt av musikkens dag, t.d. folkemusikk på Egertorget:
http://www.musikkensdag.no/

KANOTUREN

går helga 18. - 20. juni. Meir informasjon kjem i neste Hordam@il. Vert det kanskje Telemarkskanalen i år?

Hordam@il nr. 09/2004

FLYDAG PÅ KJELLER LAURDAG 15. MAI

<http://www.hangar.no/index.php/article/articleview/3375/1/0>http://www.hangar.no/index.php/article/articleview/3375/1/0

Oppvisninga startar kl. 1300, men vil du sjå på flya som skal ha oppvisning, bør du vera der i god tid før 1200. Her vert det moro for born frå 0 - 100 kg.

EKSAMENSKONSERT I NORSK FOLKELEG DANS

Søndag 16. mai kl. 1600 på Hersleb skole i Herslebs gate 20. Gratis inngang. 20 studentar dansar ca. ein time.

17. MAI I NORDAHL BRUNS GT. 22

17. Mai kl. 2004 - 2300 er det dans i NB 22. De frilynde spelar.

Og før den tid brukar det å vera brusteinsball på Universitetsplassen kl. 1814 - 2004.

TRIMAVSLUTNING

Måndag 24. mai er det trimavslutning for våren, 1645 - 1800 på Oslo Katedralskole. Etterpå er det pizza.

HORDAKALENDAR VIDARE

- Opning av danseplattingen på Hordahytta 5. juni.

- Dugnad på hytta 4. - 5. juni

- Kanotur 18. - 20. juni er under planlegging

- Sommaravslutning i Hordaringen 10. juni, og tur til Håløygheimen 17. juni.

Hordam@il nr. 08/2004

KONSERT

Tilbod frå Toril Willoch: Onsdag 28. april kl. 1930 i Oslo Domkirke vil Oslo Bach-kor framføra Messe i H-moll av Johann Sebastian Bach. Toril tilbyr billettar til kr. 200.- (normalpris er kr. 250.-). Ho må ha bestillinga seinast tysdag 21.4 på epost ... eller telefon 22148718 / 99743916.

Før konserten kan folk møtast på Stortorget Gjestgiveri frå kl. 1730. Ein bør vera tidleg ute (senast kl. 1900) for å få god plass i kyrkja.

Ho kan og skaffa billettar til same konserten i Helgerud kirke tysdag 27.4.

Hordam@il nr. 07/2004

PÅSKEAVSLUTNING FOR MÅNDAGSTRIMMEN

Måndag 29. mars er det trim på Oslo Katedralskole kl. 1645
Etter trimmen møtest trimmarar og andre som har lyst kl. 1830 på Casa Mia i Bjerregårdsgate til middag.

Etter middagen går turen til folkemusikkpuben i kjellaren ("Prøverøret") på Bør og Børson i Trondheimsveien 13, der det er konsert med Ragnhild Furebotten kl 2030. Inngang kr. 50.-

PÅSKEAVSLUTNING I HORDARINGEN

Torsdag 1. april kl. 1900 er det påskeavslutning i Hordaringen med mykje dans og god mat.

Hordam@il nr. 06/2004

SKIFYKING OG KOMLEFEST PÅ HORDAHYTTA

Helga 13. - 14. mars er det tradisjonell komlefest og skifyking på Hordahytta. Hopplengdene vert målte i desimeter og ropt opp utan desi. Påmelding til Petter Mohn innan onsdag 10. mars.
http://www.hordalaget.no/hytta/detaljar.htm#komlefest

HYTTETUR TIL HAGLEBU

Helga 19. - 21. mars vert det felles hyttetur for Hordalaget og Hordaringen. Turen går til Nordmørshytta på Haglebu øverst i Eggedal. Hytta har god standard med straum og innlagt vatn. Det vert moglegheit for skigåing på dagen både laurdag og søndag, og om kveldane vert det sosialt samvær med mat, song, spel og dans. Me satsar på å køyra privatbilar til og frå. Påmelding så snart som råd til: >

Arnfinn Skagestad
tlf. 22272297 / 91594247
...

BUESTRØK FOR AFGHANISTAN

Norske folkemusikarar held konsert til inntekt for musikkinstrument for afghanske folkemusikarar.
Tysdag 2. mars kl. 2000, Lindemannsalen på Norges Musikkhøgskole.
http://www.nmh.no/Nyheter/1078126346.03

KONSERT I EIVIND GROVENS ORGELHUS

Laurdag 6. mars kl. 1400 er det folkemusikkonsert i Ekebergveien 59 (inngang Røhrtsvei 2).

Samspelgruppa "Huldraleiken"', solistene Bernt Balchen, Tore Bolstad, Knut Trøen, Niels Røine, Kjell Chr. Midtgaard (hardingfeler), Reidar Skjelkvåle (vanlig fele), Eiliv Groven Myhren (slått på reinstemt orgel i gammel skala), Dagne Groven Myhren
(trall og vise), Magne Myhren presenterer spelemennene.

Hordam@il nr. 05/2004

NY LEIAR I HORDALAGET

Sigurd Gjerde vart vald til ny leiar på årsmøtet i Hordalaget. Arild fortset i styret. Vi seier takk til Arild for dei åra han har leia laget, og ønskjer Sigurd lukke til som ny leiar.

KONSERT OG CD-SLEPP MED STREIF

Streif er ei spennande gruppe og ein godt bevart løyndom i norsk folkemusikk. Musikararne er kjende frå andre grupper som Vamp, Magnolia Jazzband, Odeon, Gjertruds Sigøynerorkester og Ophelia Ragtime Orchestra.

Konserten er fredag 13. feb. kl. 2100 på konsertbåten M/S Innvik som ligg i Bjørvika ved Havnelageret. Gå over den blå gangbrua ved Tollboden. Open kafe før og etter konserten.

http://www.streifnett.no/

DANS MED DALAKOPA

Var du ein av dei 40 som vart ståande på Rundsnuen si venteliste for ein månad sidan? No kan du igjen dansa til Dalakopa. Dei spelar i Samfunnssalen, Kjenn Skole, Lørenskog laurdag 14. februar kl. 19.00. Kjenn Skole ligg like ved motorvegen (Rv 159), på andre sida i høve til Metro-senteret.

TIPS

Har du lyst på Vestlandsfanden si siste plate Hokahey til kr. 54 (70% avslag)? Du finn den i andre etasje på eit rotebord i Free Record Shop på Egertorget så lenge salet varer.

Hordam@il nr. 04/2004

VESTLANDSFANDEN

spelar på Roots på Strømmen fredag 30. jan.

TORADARTREFF

Fredag 6. feb. kl. 1900 er det toradartreff på Kjenn skole på Lørenskog (rett over motorvegen frå Metro).

<http://www.trekkspill.no/arrangementer/Kjenn2004.jpg>http://www.trekkspill.no/arrangementer/Kjenn2004.jpg

TIPS OM ANTIVIRUS OG LIKNANDE

Sist veke fekk ein del av oss epost med virusvedlegg og med forfalska avsendaradresser som i fleire tilfelle var folk vi veit kven er, men aldri har hatt epostkontakt med.Ý Sidan det er eit nytt viruset som er i ferd med å spreia seg i stor fart i dag, sender eg ut dette tipset. Alle treng antivirusprogram, og det må heile tida vera oppdatert.Ý Berre automatisk oppdatering duger. I tillegg bør ein ha både brannmur og vern mot snokeprogram. Alt dette er kvar einskild sitt eige ansvar, men her er nokre tips som kan vera nyttige:

Gratis brannmur: ZoneAlarm
<http://www.zonelabs.com/store/content/company/products/znalm/freeDownload.jsp>http://www.zonelabs.com/store/content/company/products/znalm/freeDownload.jsp

Gratis antisnokeprogram: AdAware
<http://www.lavasoft.de/>http://www.lavasoft.de/

Gratis antivirus: Avast
<http://www.asw.cz/index.html>http://www.asw.cz/index.html

I tillegg finst det diverse andre gratisprodukt og mange betalingsprodukt.Ý Ofte har produsentane av gratisprodukta betalingsprodukt som gjev meir. Tykkjer du det er tungt å lesa engelsk, så har ein del av programma meny for språkval eller ein språkpakke som du kan lasta ned.

Eit par nyttige artiklar i Dagbladet i dag:
<http://www.dagbladet.no/dinside/2004/01/27/389421.html>http://www.dagbladet.no/dinside/2004/01/27/389421.html

<http://www.dagbladet.no/dinside/2003/08/21/376521.html>http://www.dagbladet.no/dinside/2003/08/21/376521.html

Slik eg ser det, er det ingen grunn til panikk, men til å vera på vakt og syta for å ha eit oppdatert vern.Ý Slurvar ein med det, kan det fort verta problem.

NETTJUVELAR

Hjå digi.no finn du tips om utvalde gode program som er verd å ta ein titt på:
<http://www.digi.no/nettjuveler/>http://www.digi.no/nettjuveler/

Hordam@il nr. 03/2004

TEATER: BIKUBESONG

Berit har vor så heldig å få fatt i 20 billettar til dette populære og utselde stykket av Frode Grytten. Det handlar om livet i eit murhus i Odda. Dato: onsdag 21 april. Pris: kr 200.-. Det kom raskt ti personar på påmeldingslista då ho vart lagd ut i Hordaringen i går kveld, og nokre til er interesserte, så nøler du med å melda deg på, kan det fort verta for seint. Påmelding til Berit Rørvig: ... innan 29. jan.

KURSHELG I HORDARINGEN

Helga 6. - 8. feb. har Hordaringen kurshelg med vestlandsspringar og engelske kontradansar som tema.
Sjå meir informasjon på www.hordaringen.no.

FLY FOR KR. 148

No kan du igjen fly for kr. 148.- ein veg med Norwegian: http://www.norwegian.no.

Hordam@il nr. 02/2004

PLANLEGGINGSMØTET

... er kl 1700 i morgon, torsdag 8. jan. i NB 22, slik at det skal vera høveleg tid til planlegging og PIZZA før Hordaringen. Beklagar at eg gløymde tidspunktet i tidlegare Hoirdam@il.

HORDARINGEN

startar opp i morgon, torsdag 8. jan.

Hordam@il nr. 01/2004

PLANLEGGINGSMØTE

Vi minner om planleggingsmøtet torsdag 8. jan. i Nordahl Brunsgate 22. Vi ber alle nemndene om å ha klar forslag til aktivitetskalendar for året 2004. Det må møte minimum 1 person frå kvar nemnd, men helst heile nemnda pluss andre som er interesserte i å vera med og skapa aktivitet i laget.

MÅNDAGSTRIMMEN

har starta opp att på Oslo Katedralskole, måndagar kl 1645 - 1800.

NYTTÅRSFEST I RUNDSNUEN

Rundsnuen har tradisjonell nyttårsfest laurdag 10. jan kl 1830 - 2400. Dalakopa spelar.

http://www.folkedans.com/rundsnuen/

TEATERBESØK: BIKUBESONG

Berit har vore så heldig å få fatt i billettar til den populære og lenge utselde forestillinga Bikubesong onsdag 21. april. Meir informasjon kjem snart.

NYTTÅRSKONSERT

Gerd melder om nyttårskonserten med Kongsberg Byorkester med leikarring og berggesellar som gjester:
Stad: Kongsberg kino. Tid: Søndag 11. januar Kl. 14.00